Pas shumë luftrash e persekutimesh ndër shekuj Dukagjini ka marrë titullin “Nderi i Kombit” nga presidenti i Republikës Bujar Nishani.
Në ceremoninë e zhvilluar në presidencë, kreu i shtetit dha titullin nderi i kombit për deputetin e parë opozitar Kolë Prela i cili u pushkatua nga regjimi monist. Poeti Frederik Rreshpja u nderua me titullin “Mjeshtër i Madh”, pas vdekjes. Drejtues dhe përfaqësues të shoqatës atdhetare “Dukagjini”, promotore e propozimeve të këtyre titujve falenderuan presidentin Nishani. Pas ceremonisë nuk munguan këngët tradicionale të Dukagjinit ndërsa në fund Nishani u zhvesh nga kostumi presidencial duke kërkuar që kryesisht brezat e rinj të mos ndikohen nga paragjykimet, sterotipet apo etiketimet që kanë ardhur nga një politikë e mbrapshtë e gjithë këtyre viteve duke vlerësuar dukagjinasit për kontributet por edhe bukuritë natyrore të alpeve.
