Presidenti i UEFA-s, Aleksader Ceferin, ka mbërritur në Kryeministri për takimin zyrtar me kreun e qeverisë, Edi Rama. Numri 1 i futbollit europian ka ardhur sot në Shqipëri për të diskutuar tema të ndryshme, ku ajo me shumë rëndësi është zhvillimi i finales së Ligës së Konferencës në muajin maj në “Air Albania”.

Sigurisht, tema e diskutimeve do të jenë edhe zgjedhjet në Federatën Shqiptare të Futbollit, ku Armand Duka kërkon një mandat të 6-të radhazi.

Ceferin mbërriti sot në Shqipëri dhe pas një dreke me kreun e FSHF-së, Armand Duka, ka shkuar në takimin zyrtar me kryeministrin. Ra në sy fakti se për ta dërguar në këtë takim, FSHF nuk përdori automjetet e institucionit, por automjetin personal të presidentit Duka.

AXHENDA

12:30 – Mbërritja në Aeroportin “Nënë Tereza”

13:00 – Dreka me presidentin e FSHF-së, Armand Duka

15:00 – Takim në kryeministri me kryeministrin Edi Rama

16:00 – Vizitë në zyrat e reja të Federatës Shqiptare të Futbollit

18:00 – Largimi nga Shqipëria