21 miliardë lekë do të jetë buxheti i Bashkisë Lezhë për 2025, rreth 3 miliardë më shumë se një vit më parë.Prezantimi i projekt-buxhetit dhe paketes së re fiskale u bë nga kryebashkiaku Pjerin Ndreu gjatë një konsultimi publik me grupet e interesit.Sipas Ndreut edhe niveli taksave dhe tarifave vendore nuk do të pësojë rritje, por do të jene të njëjta si një vit më parë.
Mbi 35% e buxhetit të vitit 2025 është parashikuar të shkojë për investime, ku fokusi kryesor do të jetë edhe tek mallrat dhe shërbimet publike.
Buxheti i Bashkisë Lezhë për vitin 2025 konsiderohet më i madhi në historinë e kësaj njesie vendore dhe për herë të parë vjen me zero borxhe të mbartura.
