Drejtoria Vendore e Policisë Shkodër
Komisariati i Policisë Shkodër arrestoi shtetasin F. C., 40 vjeç, banues në Qerret Shllak, pasi ka ushtruar dhunë ndaj bashkëshortes së tij dhe djalit të tyre të mitur.
Komisariati i Policisë Vau i Dejës referoi materialet në Prokurori, ku nisi procedimi penal për shtetasin A. P., 38 vjeç, banues në fshatin Stajkë, pasi ka kanosur dhe dhunuar ish-bashkëshorten e tij.
Seksioni i Krimeve Ekonomiko-Financiare referoi materialet në Prokurori, ku filloi procedimi penal për shtetasin R. S., 58 vjeç, banues në Shkodër, pasi nga kontrollet dhe verifikimet e kryera në subjektin për shitjen e pjesëve të automjeteve, që administronte, rezultoi se e ushtronte aktivitetin në mënyrë të paligjshme. Gjithashtu, gjatë kontrollit në këtë subjekt janë gjetur pjesë automjetesh të dyshuara të kontrabanduara.
Sektori për Hetimin e Narkotikëve i DVP Shkodër referoi materialet në Prokurori, ku filloi procedimi penal për shtetasit H. A., 58 vjeç, banues në Postrribë dhe D. K., 44 vjeç, banues në fshatin Hot i Ri, pasi gjatë kontrollit në stanin në pronësi të shtetasit H. A., u gjet sasi lënde e dyshuar narkotike kanabis, si dhe një motomjet pa dokumentacion, në pronësi të shtetasit D. K. Lënda narkotike dhe motomjeti u sekuestruan në cilësinë e provës materiale.
Në vijim të 2 informacioneve të dhëna ditën e djeshme, për 2 aksidente, ju informojmë se specialistët e Sektorit të Policisë Rrugore:
– arrestuan shtetasin T. P., 73 vjeç, për veprat penale “Shkelja e rregullave të qarkullimit rrugor”, “Drejtimi i automjeteve në mënyrë të parregullt” dhe “Largimi nga vendi i aksidentit”, pasi në aksin rrugor “Shkodër-Mjedë”, në fshatin Vukatanë, me automjetin që drejtonte, ka përplasur motomjetin me drejtues shtetasin D. N., 82 vjeç, banues në fshatin Vukatanë. Si pasojë është dëmtuar 82-vjeçari, i cili ndodhet në kujdesin e mjekëve, jashtë rrezikut për jetën;
-referuan materialet në Prokurori, ku nisi procedimi në gjendje të lirë për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”, për drejtuesen e automjetit, shtetasen E. R., 34 vjeçe, dhe për drejtuesin e motomjetit, shtetasin N. M., 77 vjeç.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
