Media italiane ka raportuar mbrëmjen e së dielës se Prokuroria e Katanias ka mbyllur dosjen e hetimit të “Habilajve”, akuzuar për trafik ndërkombëtar droge. Sipas “Meridio News”, në mesin e personave të hetuar nuk rezulton emri i ish-ministrit të Brendshëm, Saimir Tahiri. Pjesë e dosjes janë 15 persona, më i njohuri ndër ta Moisi Habilaj, jo vetëm sepse akuzohet si kokë e grupit kriminal, por edhe për shkak të lidhjeve familjare me ish-ministrin Tahiri.
“Meridio News” raporton se pjesë e të akuzuarve janë edhe dy shqiptarë të tjerë, Maridian Sulaj dhe Fatmir Minaj, sidhe italianët Antonino Riela, Vincenzo Spampinato dhe Angelo Busacca.
