Në ambientet e Bibliotekës “Marin Barleti” në Shkodër, u promovua sot libri më i ri i autorit Nadir Zhabjaku, me titull “Përmendorja e kujtesës”.
Ky është botimi i katërmbëdhjetë në krijimtarinë e tij letrare, dhe vjen në bashkëpunim me Shoqatën e të Përndjekurve Politikë, duke sjellë në fokus kujtesën historike dhe përjetimet e atyre që kanë vuajtur gjatë periudhës së diktaturës komuniste. Gjatë fjalës së tij, autori Zhabjaku ndau me të pranishmit emocionet për librin e ri.
Autori foli edhe pwr vështirësitë ekonomike që përballen shkrimtarët sot për të botuar veprat e tyre. Ai theksoi se pavarësisht pengesave, përkushtimi ndaj letërsisë dhe kujtesës historike mbetet i fortë.
Në promovim morën pjesë shkrimtarë, studiues dhe dashamirës të librit, si dhe përfaqësues nga politika të cilët vlerësuan rolin e autorit në ruajtjen e kujtesës historike përmes fjalës së shkruar. Libri “Përmendorja e kujtesës” është një homazh për ata që kanë vuajtur, por edhe një thirrje për të mos harruar të kaluarën.
