Teksa nuk na ndan shumë nga protesta e thirrur nga Partia e Lirisë, vjen një reagim nga Ambasada Amerikane në Tiranë.
Përmes një njoftimi në faqen zyrtare, ambasada iu bën thirrje qytetarëve të saj që të shmangin turmat në zonën e Sharrës, pranë inceneratorit të Tiranës, vendi ku do të zhvillohet dhe protesta.
“Qytetarët amerikanë këshillohen të shmangin tubimet e mëdha. Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit”, thuhet në njoftimin që bëhet sa herë ka ka protesta të tilla.
