Dhjetëra shqiptarë nga diaspora i janë përgjigjur thirrjes për protestën e dytë kombëtare, e cila do të zhvillohet këtë të shtunë në Tiranë, me kërkesën për largimin e asaj që ata e cilësojnë si “kastën e vjetër politike”.
Rreth orës 11:00, pjesëmarrësit mbërritën në hyrje të qytetit të Shkodrës, nga ku u nisën drejt kryeqytetit. Ata deklaruan se protesta synon të përcjellë një mesazh të qartë kundër qeverisë dhe kryeministrit Edi Rama.
Protesta kombëtare është paralajmëruar të nisë në orën 19:00 në Tiranë, ku organizatorët presin pjesëmarrjen e shqiptarëve të Europës, si edhe të qytetarëve nga i gjithë vendi.
