Rrugët rurale vazhdojnë që të jenë një problem shqetësues për bashkinë Pukë.
Amortizimi i shumë segmenteve krijon vështirësi për banorët e zonave të thella të Pukës. Kryetari i bashkisë Pukë Gjon Gjonaj tregon mungesën e mjeteve mekanike dhe shprehet se një ndihmesë po jep qeveria. Tashmë e njohur si rruga e vdekjes, segmenti në Gjegjan nuk do ekzistojë më në listën e akseve që ka marrë më shumë jetë njerëzish sepse kryeministri Rama ka premtuar nisjen e punimeve shumë shpejt. I pyetur për situatën ekonomike të bashkisë Pukë dhe buxhetin e 2017-ës kryebashkiaku Gjonaj u shpreh se një pjesë do shkojë për shlyerjen e borxheve të akumuluara më parë. Sipas kryebashkiakut të Pukës situata në atë bashki ka ndryshuar ndërsa pranon se duhet ende shumë punë për të shmangur problemet që janë atje.
