Britania e Madhe nuk do të zhvillojë një referendum të dytë për të dalë ose jo nga Bashkimi Europian.
Qeveria britanike ka rrëzuar peticionin me firmat e 4 milionë qytetarëve britanikë, të cilët kërkojnë përsëritjen e votimit. Kryeministri David Cameron hodhi poshtë mundësinë e referendumit, pavarësisht nga numri i lartë i mbështetësve të tij i siguruar përmes firmave të britanikëve. firmat e referendumit (Peticioni për referendumin e dytë në Britaninë e Madhe) Përsëritja e referendumit u kërkua me argumentin se diferenca mes “Po” dhe “Jo” qëndrimit në BE ishte e ngushtë. Qeveria Britanike ka sqaruar se tani është koha për të dalë nga BE dhe për të siguruar më të mirën për popullin britanik. Referendumi i 23 qershorit shënoi një pjesëmarrje prej 73 përqind, nga të cilët 17.4 milion votuan në favor të Brexit, e përkthyer në përqindje 52% pro daljes nga BE, ndërsa 48 ishin kundër largimit nga Bashkimit Europian. Ndërsa sot në Green Park të Londrës është paralajmëruar një protestë nga mbështetës të “Remain” (qëndrimi në BE).