Qytetarët shkodran po përballen me çmime gjithnjë e më të larta të fruta dhe perimeve në tregje. Sipas tyre, rritja e fundit ka prekur shumë pensionistët, të cilët thonë se me të ardhurat që marrin, produktet bazë janë bërë të papërballueshme për ta. Ata thonë se jetesa po bëhet gjithnjë e më e vështirë për ta, ndërsa një pjesë e të moshuarve tregojnë se mbështeten nga fëmijët e tyre për të përballuar shpenzimet ditore.
Kriza ekonomike që po prek gjithnjë e më shumë vendin, ka rënduar edhe më shumë xhepat e qytetarëve shkodranë. Shumë familje thonë se përballimi I jetesës me të ardhurat dhe pensionet aktuale që kanë është bërë i pamundur.
