Çmimet e fruta – permieve në tregun e Zdrales në qytetin e Shkodrës kohët e fundit sipas qytetarëve kanë pësuar një rritje. Më shumë këtë ndryshim e ndjejnë pensionistët. Ata thonë se kjo rritje e çmimeve të fruta dhe perimeve e bën më të vështirë jetesën për ta. Me të ardhurat që kanë, pensionistët thonë se çmimet janë të papërballueshme për ta.
Kriza ekonomike po rëndon çdo ditë e më tepër xhepat e qytetarëve shkodranë, por jo vetëm. Një pjesë e tyre ankohen për çmimet e larta të produkteve të shportës, ndërsa shpjegojnë se përballimi I jetesës është I pamundur me pagat dhe pensionet aktuale.
