Kryeministri Edi Rama njoftoi këtë të martë përmes një komunikimi me mediat se përpos bonusit të fundvitit që do të përfitojnë 750 mijë pensionistë në vlerat 100-150 euro, parashikohet që nga janari i vitit të ardhshëm, pensionet do të kenë një rritje të shtrirë muaj për muaj, përmbi indeksimin e përvitshëm. Rama deklaroi se ky është “mandati i rritjes së përvitshme të pensioneve”, ashtu siç ishte premtuar gjatë fushatës elektorale.
