Opozita e bashkuar pritet të protestojë sot në orën 11:00 në Bulevardin ‘Dëshmorët e Kombit’ kundër qeverisë që sipas opozitës është e lidhur me krimin dhe drogën.

Opozita do kërkojë largimin e ministrit Fatmir Xhafaj, pasi vëllai i tij është i dënuar me burg dhe merret me trafik droge. Opozita ka zbuluar dhe simbolikën e parë të protestës të vendosur në sheshin ‘Skëndërbej’.

Në Sheshin Skënderbej shfaqet statuja e Drejtësisë me portretin e Edi Ramës, që simbolizon kapjen politike të drejtësisë për t’i shërbyer krimit dhe korrupsionit.

Statujën e Drejtësisë 3 metra të lartë e mbajnë 10 të rinj të maskuar si Edi Rama, Fatmir Xhafaj, Saimir Tahiri, Agron Xhafaj, Moisiu Habilaj për të treguar se Drejtësia është vënë në shërbim të trafikut të drogës, krimit të organizuar dhe qeverisë së lidhur me të.

Një simbol tjetër i shpërfytyrimit të Drejtësisë sipas opozites nga pushteti është portreti i Ramës që ka zëvendësuar sytë e mbyllur të Drejtësisë së barabartë për të gjithë me syrin që ai i shkel krimit për ta favorizuar dhe mbrojtur atë.

Peshorja e drejtësisë, që duhet të ishte e barabartë, peshon nga mbrojtja e Saimir Tahirit, Fatmir Xhafajt dhe parave të tyre të drogës, ndërsa Kushtetuta, që mbron të drejtat e qytetarëve të zakonshëm, është zhvlerësuar nga drejtësia politike e Edi Ramës.

protesta-pd-edi-rama-droge-1

Artikulli paraprakDHJETËRA MJETE POLICIE, BERISHA PUBLIKON VIDEON: NORIEGA DHE FATZI XHAFA TË TMERRUAR
Artikulli tjetërPROTESTA E OPOZITËS MINUTË PAS MINUTE. DALIN SHIFRAT, JA SA QYTETARË JANË NISUR NGA RRETHET