Raporti vjetor i Lirisë në Botë rendit kombet sipas lirive civile dhe të drejtave politike me secilin vend të vendosur në një nga tre kategoritë: ‘Të lirë, ‘Pjesërisht i lirë’ dhe ‘jo i lirë’. Rreth 88 vende, përfshirë Britaninë dhe Amerikën, u konsideruan si ‘të lirë’ ndërsa 49, duke përfshirë Tajlandën, Egjiptin dhe Turqinë, i konsideruan “jo të lira”. Shqipëria renditet në vendin e 68, ndërkohë që liria e shtypit konsiderohet “pjesërisht e lirë”. sadgh Rusia dhe Kina janë emëruar në një raport si një ndër vendet më të këqija në botë për heqjen e lirive të njerëzve.

Secili vend jep një rezultat me pikë për cilësinë e demokracisë. Ai që ka 100 pikë është në krye dhe këtë vend e zënë tre shtetet nordike; Suedia, Norvegjia dhe Finlanda. Këto vende ndiqen nga Kanadaja, Holanda, Australia, Luksemburgu, Zelanda e Re, Uruguai dhe Danimarka. Vendin më të keq e zë Siria nën diktaturën brutale të Bashar al-Assad, e ndjekur nga Sudani Jugor, Eritrea, Koreja e Veriut dhe Turkmenistani. Bahreini, Arabia Saudite dhe Kuba ishin gjithashtu midis kombeve të kontrolluara fort në këtë kategori. Rusia ishte 27 nga fundi me 20 pikë. Numri i njerëzve që jetonin nën kushte “jo të lira” është rreth 2.7 miliardë njerëz. Por më shumë se gjysma e këtij numri jeton vetëm në një vend – Kina, e cila u rendit e 19-ta.