Një i ri është gjetur i shtrirë në sheshin e qytetit në Drenas, pasi një reklamë i kishte rënë në kokë.

Lajmin e ka konfirmuar për Express zëdhënësja e Policisë së Kosovës për rajonin e Prishtinës, Flora Ahmeti.

“Lidhur me këtë incident policia në Drenas ka iniciuar një rast, shkaktim i rrezikut të përgjithshëm, ndërkohë që personi i lënduar mashkull 22 vjeçar, është dërguar për trajtim mjekësor. Nga era është shkëpur një “reklamë” e një dyqani dhe e njëjta i ka rënë në kokë”, tha Ahmeti.