Në ambjentet e rektoratit të universitetit “Luigj Gurakuqi” në Shkodër u zhvillua mbledhja e rradhës e senatit akademik . Në fjalën e tij për media rektori Tonin Gjuraj theksoi se në qendër të punës së stafit akademik dhe administrativ është rekrutimi i maturantëve, duke e cilësuar atë si kryefjalën e gjithë angazhimit të Universiteti i Shkodrës “Luigj Gurakuqi” për këtë periudhë.
Në vijim të mbledhjes së Senatit, ai theksoi përpjekjet për përmirësimin e infrastrukturës universitare, duke u ndalur te rikonstruksioni i godinës së Rektoratit dhe duke ripërsëritur rëndësinë strategjike të kampusit universitar.
Një vlerësim i veçantë iu kushtua punës së Bashkia Shkodër për lirimin e mjediseve përreth godinës së Rektoratit, me bindjen se ky aksion do të vijojë edhe në hapësirat përreth godinave të fakulteteve.
