Rendi dhe qetësia publike kohët e fundit ka kthyer disi pasigurinë tek qytetarët shkodrane.Këta të fundit të pyetur nga “Star Plus “ndajnë mendime të ndryshme, ku një pjesë ndihen të sigurtë por kërkojnë që policia të punojë më tepër në parandalimin e ngjarjeve dhe kapjen e autorëve që kryejnë vepra të ndryshme penale.
Vjedhjet e banesave vazhdojnë të mbeten një nga shqetësimet më serioze për qytetarët, por edhe për policinë.Vitet e fundit fenomeni ka qënë më aktiv kryesisht në zonat periferike të qytetit ,ndërsa në të dhënat e vitit 2016 ka rritje të këtij krimi edhe në zonat brenda qytetit.
