Drejtuesi i ndërmarrjes së shërbimeve publike Altin Salihi u shpreh se reagimi i menjëhershëm dhe ndërhyrjet në kohë rekord bënë që situata të normalizohej brenda pak minutash në Shkodër. Kreu i bashkisë Shkodër Benet Beci përmes një postimi në rrjetet sociale shkruan se Sasia e reshjeve jashtë çdo norme vuri në provë sistemin e kullimit dhe gadishmërinë e strukturave.
POSTIMI I PLOTË
Shkodra / Nga reshjet ekstreme te normalizimi në kohë rekord
Sasia e reshjeve jashtë çdo norme vuri në provë sistemin e kullimit dhe gadishmërinë e strukturave. Reagimi i menjëhershëm dhe ndërhyrjet në kohë rekord bënë që situata të normalizohej brenda pak minutash. Ky është rezultat i punës së vazhdueshme dhe angazhimit të pandërprerë të punonjësve të Bashkisë Shkodër në shërbim të qytetit.
