Parlamenti Rinor i Shkodrës në bashkëpunim me Policinë Rrugore, organizuan në afërsi të ish-5 Heronjve një aksion sensibilizues për respektimin e rregullave të qarkullimit rrugor.
Dhjetra anëtarë të këtij parlamenti rinor bënë të mundur që për minuta me radhë të bashkëveprojnë shumë mirë me kalimtarët dhe drejtuesit e automjeteve për të respektuar rregullat e qarkullimit.
Për anëtarët e parlamentot rinor, të rinjtë duhet të jenë një shembull i mirë për respektimin e rregullave të qarkullimit.
Rregullat e qarkullimit, në jo pak raste nuk respektohen, sidomos nga automjetet. Në këtë mënyrë krijohet trafik i madh në rrugët e qytetit të Shkodrës, por edhe një rrezik potencial për aksidente të ndryshme.
Aktivitete të tilla shërbejnë për sensibilizimin e popullatës.
