Rrëshqitje e nje masivi shkëmbor ka nxjerrë jashtë funksioni ujësjellësin që furnizon me ujë të pijshëm zonën e Mirditës. Problematima ka ndodhur në një terren mjaft të vështirë, pranë fshatit Shtungaj, vetëm pak kilometra larg burimit të ujit.Linja e ujësjellësit ka pësuar dëmtime në rreth 85 metra gjatësi, ndërsa ndërhyrja për riparimin e saj aktualisht eshte e pamundur për për shkak të terrenit të thyer malor dhe rrëshqitjeve të vazhdueshme të gurëve.
Në këto kushte, Shoqëria Rajonale e Ujësjellës-Kanalizimeve Lezhë ka kërkuar mbështetjen e Emergjencave Civile, pasi riparimi kërkon përdorimin e një helikopteri dhe logjistikë të specializuar për të garantuar sigurinë e punonjësve.Gjatë ditës së së shtunës, falë zgjidhjeve alternative teknike eshte bere i mundur furnizimi i pjesshëm me ujë të pijshëm i qytetit të Rrëshenit. Ndërkohë, fshatrat vijojnë të jenë pa furnizim me ujë që prej ditës së premte, kur ndodhi edhe dëmtimi i linjës.
Situata po monitorohet në mënyrë të vazhdueshme nga autoritetet, dhe ndërhyrja për riparimin e plotë pritet të nisë gjatë javës së ardhshme, në varësi të përmirësimit të kushteve në terren.
