Në vitin 2024 ka patur një rritje të ndjeshme të numrit të lindjeve në Shkodër. Kryemamia në maternitetin e spitalit rajonal të Shkodrës, Vlonita Ballaj e ka cilësuar këtë si një arritje të rëndësishme. Sipas të dhënave të fundit, kryemamia tregon se janë rregjistruar 30 lindje më shumë krahasuar me vitin 2023.
Kryemamia thekson se emigrimi masiv i familjeve të reja ka ndikuar në uljen e numrit të lindjeve në Shkodër gjatë viteve të fundit. Ky fenomen reflektohet qartë në statikstikat e maternitetit.
Shkodra sipas të dhënave nga INSTAT përfshihet në qytetet me numrin më të lartë të rënies së numrit të lindjeve bashkë me Kukësin, Lezhën dhe Dibrën.
