Prej 3 muajsh, mungesa e energjisë elektrike ka lënë në errësirë qindra banorë të zonës. Qarkullimi gjatë orëve të natës është i vështirë sepse e gjithë gjatësia e rrugës ndodhet në errësirë të plotë. Një problem më të madh e kanë kalimtarët e po ashtu edhe drejtuesit e mjeteve të cilëve u duhet të lëvizin në kushte të tilla.
Errësira në këtë zonë si dhe pamundësia për të kaluar rrugën tek vizat e bardha për shumë nga banorët e zonës, në disa raste është bërë edhe burim aksidentesh.
Ndërkohë, në qendër të qytetit situata nuk paraqitet njësoj. Ndriçimi rrugor nuk është problem për qytetarët që lëvizin në rrugët kryesore të qytetit.