SHBA, senatori propozon ligj për “terrorizmin ekonomik”

Senatori i Uashingtonit, Daug Ericksen tha të mërkurën se do të propozonte një projektligj të ri që do të përfshijë një term kriminal, “terrorizmi ekonomik”. Ligji do të lejonte ndjekjen e protestuesve që bllokojnë rrugët, shkaktojnë dëmtimin e pronës, kërcënojnë vendet e punës dhe vënë në rrezik sigurinë publike. “Unë e respektoj të drejtën e protestës, por kur ajo rrezikon jetën dhe pasurinë e njerëzve, ajo shkon shumë larg,” tha senatori republikan në një deklaratë për shtyp. “Frika, frikësimi dhe vandalizmi nuk janë një formë legjitime e shprehjes politike. Ata që e përdorin duhet të japin llogari”, shtoi ai. Ericksen tha se ligji do të përgatitet për t’u futur në seancë gjatë legjislaturës së vitit të ardhshëm dhe do t’i hapë rrugë ndjekjes së atyre që shkelin ligjin me dashje në përpjekje për të frikësuar apo shtrënguar qytetarët, duke penguar aktivitetin ekonomik të tyre. Ai tha se ligji do të përcaktojë qartë se kur protestuesit do të konsiderohet “terroristë ekonomikë”. Ericksen tha se dënimet do të zbatohen edhe për ata që organizojnë, sponsorizojnë apo inkurajojnë të tjerët të kryejnë akte terrorizmi ekonomik. “Bashkëfajtorët mund t’i kërkohet të paguajë dëmshpërblimin deri në trefishin e shumës së dëmit ekonomik”, shtoi ai. “Ne do të shkojmë pas njerëzve që i financojnë ato”.

Artikulli paraprakTRE SHQIPTARE,MES TYRE NJE VAJZE 19 VJEÇARE NDALOHEN ME 63 KG HASHASH
Artikulli tjetërDHUNA NE KOPSHTIN”DIREN”,PROKURORIA KERKON 4.5 VITE BURG PER ADMINISTRATOREN