“Dashni në kohën e tashme” ishte shfaqja e cila çeli fushatën e 16 ditëve të aktivizmit kundër dhunës me bazë gjinore që organizata “Gruaja tek Gruaja” ka hapur sot në Shkodër.
Qëllimi i këtyre aktiviteteve është sensibilizimi i grave ndaj çdo forme të dhunës që adresohen ndaj tyre. Dhuna është një lum i rrëmbyeshëm i cili merr me vete çfarë gjen përpara shprehet Trendelina Boriçi drejtuese e organizatës “Gruaja tek Gruaja”.
Gjatë 16 ditëve të aktivizimit fushata “Bëje botën portokalli: Ndal dhunën ndaj grave tani” do të synojë ndërgjegjësimin kundër dhunës përmes përfshirjes dhe angazhimit të shoqërisë civile, organeve shtetërore dhe qytetarëve të Shkodrës.
