Gjashtë raste të reja me COVDI-19 dhe 1 viktimë është bilanci I situatës së krijuar nga përhapja e pandemisë COVID-19 në 24 orët e fundit në bashkinë Shkodër. Të infektuar aktivë janë më shumë se 268 pacientë të infektuar me koronavirus në pesë bashkitë e qarkut Shkodër.
Çdo ditë vijon vaksinimi I qytetarëve duke filluar nga mosha 55 vjeç në qytetin e Shkodrës ndërsa prej pak ditësh ka filluar edhe shpërndarja e patentës së vaksinës. Me të njejtat ritme vijon edhe testimi I qytetarëve të cilët dyshojnë se mund të shfaqin simptoma të infektimit me COVID-19.
Për shkak të përmirësimit të situatës ka patur një ulje të numrit të testimeve që kryhen çdo ditë nga epidemiologët në Njësinë Vendore të Kujesit Shëndetësor. Aktualisht, situata e krijuar nga përhapja e pandemisë vijon të përmirësohet.
Nga ana tjetër vijon pa u ndalur monitorimi I bizneseve, shkollave dhe institucioneve shtetërore nga ana e Inspektoriatit Shtetëror Shëndetësor për respektimin e protokollit anti-COVID. Ndërkohë, prej fillimit të fushatës së vaksinimit në muajin shkurt janë shpërndarë mbi 20 mijë doza vaksinë në bashkitë Shkodër dhe Vau Dejës.
