Ura e Kirit në qytetin e Shkodrës është drejt shembjes. Rreziku për të gjithë qytetarët të cilët kalojnë çdo ditë mbi urë është tejet i lartë. Pavarësisht shqetësimit të ngritur herë pas herë për të ndërhyrë në riparimin e urës së Kirit, banorët e zonës thonë se deri më tani nuk është marrë asnjë masë.
Banorët kërkojnë që institucionet përgjegjëse të marrin masat përkatëse, për të parandaluar ndonjë tragjedi që mund të ndodhë.
Këmbët e urës së Kirit janë dëmtuar, në shumë vende janë zhveshur duke lënë hekurat si të vetmen mundësi mbrojtje.
