Doktor Sherif Bundo ka promovuar në Shkodër tre librat e tij të fundit “Kur ekonomia e mund politikën”, “Një pyetje e vështirë” dhe “Përmes punës, parasë dhe fjalës”. Librat e profesor doktor Bundos, u promovuan në mjediset e hotel “Colosseo” përballë një auditori me pedagogë dhe studentë të universitetit të Shkodrës në të cilin dha mësim për disa vite. Doktor Bundo u shpreh për mesazhin që synon të përcjellë për lexuesin përmes librave të tij.

Doktor Bundo tregon se cilat janë tre shqetësimet e mëdha me të cilat po haset sot shoqëria shqiptare.

I pranishëm në prezantimin e tre librave në Shkodër, qyteti i dytë pas Tiranës, ishte profesor Rejnald Muça, një prej ekonomistëve më të mirë në vend i cili foli për librin “Kur ekonomia mund politikën” duke theksuar se profesor doktor Bundo sjell raportin me të vërtetën si një prej problemeve kryesore të shoqërisë shqiptare.

Pedagogu i njohur i gazetarisë në fakultetin e Tiranës Zylyftar Bregu duke folur për librin “Një pyetje e vështirë”, sipas tij profesor doktor Bundo i ka dhënë një dimension të ri mënyrës se si e koncepton pyetjen.

Agron Xhagolli, ish drejtor i institutit të kulturës popullore në Akademinë e Shkencave veçoi dollinë që profesor doktor Bundo e trajton si një vlerë të shqiptarëve.

Ndryshe nga më përpara librat e profesor doktor Sherif Bundos nuk janë e një natyre të pastër akademike nga e cila ai vjen por janë botime që do t’i shërbejnë të gjithëve ndërsa ka prekur disa prej problemeve kryesore të jetës, anës sociale, ekonomisë dhe zhvillimit të vendit.

 

Artikulli paraprakSHKODËR, “HAMDI BUSHATI” NIS JAVËN E DITËVE TË HAPURA
Artikulli tjetërSHKODËR, DREJTORËT: PROBLEME ME GODINAT E SHKOLLAVE