Vazhdon të bëhet vaksinimi i gazetarëve të terrenit dhe policëve në pallatin e sportit “Qazim Dervishi” por edhe grupeve të tjera. Nga të dhënat që Njësia Vendore e Kujdesit Shëndetësor ka janë vaksinuar rreth 346 policë dhe 52 gazetarë.

Ndërkohë kryevaksinatori i Njësisë Vendore të Kujdesit Shëndetësor në Shkodër Arben Xhabija thekson se simptomat pas vaksinimit si temperatura apo lodhje janë shumë normale.

Pa përfunduar proçesi i vaksinimit nuk mund të përfundoj “lufta” ndaj Covid-19 prandaj kryevaksinatori Xhabija i bën thirrje të gjithë qytetarëve të paraqiten për t’u vaksinuar.

Në total deri më tani në qytetin e Shkodrës janë vaksinuar rreth 14306 persona ndërsa ky process do vijojë nga njësia vendore por edhe në qendrat shëndetësore.