Vijon intensivisht vaksinimi I të moshuarve mbi 74 vjeç në qendrat shëndetësore në Shkodër. Mjekja e qendrës shëndetësore nr. 3, Hava Bushati bën të ditur se gjatë ditëve të fundit ka patur një interest ë shtuar të të moshuarve të vaksinuar.

Në disa raste, stafi mjekësor vaksinon të moshuarit edhe në banesa, për të krijuar më tepër lehtësi për ata të cilët e kanë të vështirë të dalin nga banesa.

Deri më tani nuk është regjistruar asnjë reaksion apo komplikacion shëndetësor tek të moshuarit e vaksinuar thotë mjekja.

Mjekja e familjes Hava Bushati bën të ditur se edhe në këtë qendër shëndetësore ka patur një numër të lartë të të moshuarve por edhe mësuesve që kanë refuzuar të marrin dozat e vaksinës antiCOVID.

Fasha moshore e vaksinimit tani është zgjeruar në mbi 65 vjeç, ndërkohë që vaksinimi paralelisht me qendrat shëndetësore po bëhet edhe në pallatin e sportit “Qazim Dervishi”.

Artikulli paraprakBARDH SPAHIA: PARTIA DEMOKRATIKE ESHTE ALTERNATIVA E VETME
Artikulli tjetërPS SHKODËR, BEQAJ: MBËSHTETJE GRAVE DHE VAJZAVE