Policia Vendore e Shkodrës ka pësuar disa ndryshime në radhët e saj në rang drejtuesish. Në këtë mënyrë zëvendës drejtori i policisë vendore të Shkodrës Lorenc Meta nuk do të jetë më në këtë post. Drejtuesit e lartë të policisë kanë vendosur që Lorenc Metën ta transferojnë në drejtorinë e përgjithshme në pozicion tjetër si shef sektori pranë sallës operative, një lëvizje kjo e kërkuar nga vetë ai për arsye shëndetësore.

Lorenc Meta shërbeu për një periudhë të gjatë në Shkodër si numri dy i policisë por tashmë do të duhet që të mbajë një post tjetër. Ndërkohë në vend të tij drejtuesit e policisë si zëvendës drejtor të policisë vendore të Shkodrës kanë emëruar Kujtim Gjoka i cili më përpara ka qenë në policinë vendore të Lezhës dhe tashmë është emëruar si drejtues i lartë në policinë e Shkodrës. Pak kohë më parë ka patur ndryshime edhe për komisariatin e policisë teksa është larguar si shef komisariati Ilir Dedja duke emëruar në atë pozicion Paulin Çupin.

Ndërkohë një ditë më parë në 108-vjetorin e themelimit të policisë së shtetit në një ceremoni të zhvilluar në policinë vendore të Shkodrës drejtori i policisë Niko Brahimaj deklaroi se policia kaloi shumë sfida gjatë vitit 2020 si pandemia dhe se policia gjithashtu sipas tij ka dalë fituese ndaj krimit.

Sipas drejtorit të policisë Brahimaj, Shkodra është një qytet me rezultate më të mira për policinë.

Në fund të ceremonisë u dha një certefikatë mirënjohje për shërbime të dalluara për nënkomisar Ardian Çuli, drejtues i forcave “Shqiponja” në policinë e Shkodrës me miratimin e drejtorit të përgjithshëm të policisë Ardi Veliu.