Është përkujtuar në Shkodër 77-vjetori i rënies së 5 Heronjve të Vigut të cilët u vranë në 21 gushtin e vitit 1944 në Mirditë. Prefektura e Qarkut Shkodër, Këshilli i Qarkut Shkodër, Organizata e Luftës Antifashiste Nacional Çlirimtare dhe familjarë vendosën kurora me lule në bustin e 5 heronjve të Vigut në njësinë Rrethina. Kryetari i LANÇ në Shkodër Zamir Llazani tha se 5 Heronjtë e Vigut dhanë jetën për një Shqipëri të lirë.

Ata që sot përbaltin figurën e 5 Heronjve të Vigut duke i cilësuar si terroristë të komunizmit, kreu i LANÇ Llazani dhe Gjon Bruçi sekretar i komitetit qëndror të Partisë së Punës shprehen se përbaltja e 5 Heronjve të Vigut është e turpshme.

Rënia e 5 Heronjve të Vigut në 21 gushtin e vitit 1944 përkujtohet për çdo vit në aktivitetin që organizohet nga Organizata e Luftës Antifashiste Nacional Çlirimtare e Shkodrës.

Në këto përkujtime marrin pjesë vetëm përfaqësues të majtë në Shkodër sepse PD dhe drejtuesit vendor demokrat nuk i cilësojnë si heronj 5 Heronjtë e Vigut por përkundrazi si terroristë komunistë që luftuan brenda për brenda ndaj shqiptarëve të tjerë në Mirditë.