Drejtoria Vendore e Policisë Shkodër

Specialistët e Sektorit të Qarkullimit Rrugor arrestuan shtetasit:
-I. L., 58 vjeç, banues në Shkodër, pasi u kap duke drejtuar automjetin, në gjendje të dehur;
-O. K., 28 vjeç, pasi u kap duke drejtuar automjetin, në gjendje të dehur.

Specialistët për Hetimin e Krimeve të Komisariatit të Policisë Vau i Dejës shpallën në kërkim shtetasin B. P., 57 vjeç, banues në fshatin Ashtë, pasi ka thyer masën e sigurisë “Arrest në shtëpi”.

Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi në gjendje të lirë për shtetasin M. B., 56 vjeç, banues në fshatin Grudë e Re, pasi u kap duke transportuar 10 m3 lëndë drusore të dyshuar të prerë në mënyrë të kundërligjshme. Lënda drusore u sekuestrua me cilësinë e provës materiale.

Specialistët për Hetimin e Krimeve të Komisariatit të Policisë Malësi e Madhe referuan materialet në Prokurori, ku nisi procedimi në gjendje të lirë për shtetasin Q. H., 67 vjeç, banues në fshatin Dobraç, pasi dyshohet se për motive pronësie, ka kanosur shtetasin L. H.

Specialistët për Hetimin e Krimeve të Komisariatit të Policisë Pukë referuan materialet në Prokurori, ku nisi procedimi në gjendje të lirë për shtetasin D. H., 56 vjeç, banues në Pukë, pasi u kap duke kryer punime ndërtimi, pa leje.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

SHKARKO TANI
Artikulli paraprakSI CHATGPT PO KTHEHET NË VARËSI PËR SHQIPTARËT, SIDOMOS TË RINJTË
Artikulli tjetërOKB: QË NGA MAJI, MBI 1.700 TË VRARË TEKSA PO PRISNIN PËR NDIHMA NË GAZË