Libri “Ora e Ligë” i autorit Enkel Demi që mban emrin letrar Tom Kuka është promovuar në qytetin e Shkodrës teksa u mirëprit në qendrën rinore “Arka”.
Autori i romanit “Ora e Ligë” ka sjellë në këtë libër ngjarjet e fund shekullit 19 dhe fillim shekullit 20 duke goditur krenarinë idiote siç e cilëson autori që shqiptarët kanë kur vrasin dikë ose kur personi i vdekur nga plumbat kthehet në hero. Një libër që sjell kontraditën e vrasjes dhe dashurisë.
Gazetari dhe autori i librit Enkel Demi shprehet se librat e tij ka zgjedhur që t’i promovojë vetëm në Shkodër ndërsa thotë se edhe pseudonimin Tom Kuka e ka nga një personazh në Shkodër gjatë kohës kur ai ishte student.
“Ora e Ligë” është libri i tretë i Enkel Demit pas botimeve “Gurët e Vetmisë” apo “Hije Mbi Kalldrëm”.
