Rastet e abuzimeve seksuale të shfaqura në media ditët e fundit kanë rritur vigjilencën e shoqërisë që të evidentojnë në kohë kur fëmijet pësojnë një ndryshim në sjelljen e tyre. Megi Shllaku, psikologe në një nga shkollat e arsimit parauniversitar në Shkodër shprehet se shoqëria çdo ditë dhe më shumë po tregohet më e kujdesshme nisur nga këto raste.
Psikologia i bën thirrje të gjithë familjeve t’i edukojnë fëmijet e tyre edhe sa i përket tabuve që vijojnë ende në vendin tonë.
Ditët e fundit në shumë qytete të Shqipërisë po bëhen protesta paqësore për ndërgjegjësimin e shoqërisë ndaj dhunës seksuale ndaj të miturve.
