22 raste të prekura nga kanceri I gjirit kanë rezultuar nga 1400 mamografitë e kryera nga gratë dhe vajzat në spitalin rajonal të Shkodrës dhe në Poliklinikën e qytetit gjatë fushatës së ndërgjegjësimit për kancerin e gjirit gjatë muajit Tetor. Këtë lajm e ka bërë të ditur Megi Bilali, shefe në shërbimin parësor në drejtorinë rajonale të Operatorit të Shërbimeve të Kujdesit Shëndetësor.
Krahasuar me vitin 2019 ku nuk ishte e përhapur pandemia COVID-19, numri I mamografifë të kryera është dyfishuar bën të ditur Bilali.
Bilali bën të ditur se mamografia falas do të ofrohet përgjatë gjithë vitit.
Pas përfundimit të fushatës sensibilizuese për kancerin e gjirit, mamografia do të kryhet në spitalin rajonal Shkodër për të gjitha gratë dhe vajzat të cilat duan të kryejnë depistimin periodic për diagnostikimin në kohë të sëmundjes.