Ditën e sotme, shkollat 9-vjeçare “Ali Laçej” dhe “Dëshmorët e Prishtinës” në qytetin e Shkodrës iu bashkuan nismës së organizatës Food Bank Albania
për të mbledhur ndihma ushqimore për familjet në nevojë. Nxënësit në bashkëpunim me stafin pedagogjik bënë të mundur mbledhjen e një sasie të konsiderueshme ushqimesh.
Mbledhja e ushqimeve nga nxënësit e shkollave 9-vjeçare është një nisëm e ministrisë së Arsimit dhe Sportit në bashkëpunim me Organizatën Food Bank Albania,
përmes së cilës synohet ndërgjegjësimi I fëmijëve për t’i ardhur në ndihmë familjeve në nevojë në komunitetin në të cilin bëjnë pjesë.
