Autoritetet në Nepal kanë mbyllur shkollat për tre ditë pasi dy ditë shira të rrëmbyeshëm shkaktuan përmbytje dhe rrëshqitje dheu në vend, duke vrarë 100 njerëz dhe duke lënë pas 67 të zhdukur, thanë zyrtarët sot. Përmbytjet ndaluan aktivitetin në Luginën e Katmandu, ku u regjistruan 37 vdekje. Në këtë rajon jetojnë 4 milionë njerëz dhe aty ndodhet edhe kryeqyteti i vendit.
Autoritetet njoftuan se studentët dhe prindërit e tyre po përballen me vështirësi pasi ndërtesat e universiteteve dhe shkollave janë dëmtuar nga shirat e rrëmbyeshëm dhe kanë nevojë për riparim.
“Ne u kemi kërkuar autoriteteve përkatëse të mbyllin shkollat në zonat e prekura për tre ditë”, tha zëdhënësi i ministrisë së arsimit, Lakshmi Bhattarai.
