Rreth 3 hektar toke me shkurre dhe kallamishte janë shkrumbuar totalisht si shkak i një zjarri që ra gjatë pasdites të së djelës.
Fillimisht zjarri është pikasur nga banorët të cilët kanë ndërhyrë me mjete rrethanore por është dashur ndërhyrja e Punonjësve të zjarrfikësve për të normalizuar situatën dhe shuarjen e flakëve. Vënia nën kontroll e flakëve të zjarrit ka parandaluar rrezikun për disa banesa që ndodheshin shumë pranë vatrës së zjarrit.
Drejtori i zjarrfikëses në Lezhe Agostin Pepkolaj i kontaktuar me telefon tha se falë ndërhyrjes së shpejt u bë e mundur parandalimi dhe rreziku që mund të kanosej në zonë, pasi vetëm pak metra në zonën e Knallës ndodhen edhe disa çisterna nafte, dhe rreziku mund të ishte shumë herë më i lartë.
