Shpyllëzimi në pyjet tropikale të Amazonës në Brazil arriti një nivel rekord për shtatë muajt e parë të vitit, sipas të dhënave paraprake të publikuara të premten, ndërsa rajoni i afrohet pikut tradicional të sezonit vjetor të zjarreve.
Të dhënat satelitore të qeverisë braziliane treguan se afro 5.5 kilometra katrorë pyje u prenë në rajon nga janari në korrik, 7.3% më shumë nga e njëjta periudhë e vitit të kaluar, e barabartë me një zonë shtatë herë më të madhe se qyteti i Nju Jorkut.
Duke tejkaluar rekordin e vitit të kaluar, ky ishte shpyllëzimi më i madh që nga viti 2015-të, sipas agjencisë kombëtare të kërkimit hapësinor “Inpe”, e cila mbledh të dhënat.
Vetëm në korrik, shpyllëzimi arriti në 1.5 kilometra katrorë, afërsisht në përputhje me të njëjtin muaj të vitit 2021.
Ambientalistët dhe ekspertët fajësojnë Presidentin brazilian Jair Bolsonaro për kthimin e ligjit mbi mbrojtjen mjedisore, që i hap rrugë fermerëve për të pastruar ilegalisht më shumë sipërfaqe pyjore nga Amazona.
Ndërkohë muajin e kaluar, autoriteti mjedisor i Brazilit dha një leje fillestare që do të lejojë që një autostradë të ndërtohet përmes qendrës së pyllit tropikal, një lëvizje që kërcënon të rrisë më tej shpyllëzimin e saj.
