Shqipëria U19 e nis me humbje fushatën kulaifikuese në Europianit që do mbahet në vitin 2023. Kuqezinjtë e drejtuar nga Armando Cungu u mundën 1-3 në shtëpi nga Belgjika U19.

Pas një pjese të parë pa gola, u mendua se tanët do të merrnin të paktën një pikë, por nuk ndodhi kështu. Sapo filloi pjesa e dytë, Sadiki kaloi përpara belgët.Epërsia e mysafirëve nuk zgjati shumë, pasi Daka vendosi ekuilibrat. Gjithsesi, në fund ky gol do vlente vetëm për statistikë, pasi Belgjika do merrte 3 pikë falë golave të Stroyekens dhe Vermant.