Për gati një muaj me radhë, shtëpiza e Babagjyshit ka qenë një nga pikat më të vizituara të festave, duke u kthyer në vendtakimin e preferuar të fëmijëve dhe familjeve. Çdo ditë, dhjetëra fëmijë u ndalën për të bërë foto, për të shkruar dëshirat e tyre dhe për të përjetuar nga afër magjinë e festave të fundvitit.
E mbushur me ngjyra, drita dhe buzëqeshje, shtëpiza krijoi një atmosferë të ngrohtë e festive, ku imagjinata e fëmijëve dhe gëzimi i tyre u bënë pjesë e një përvoje të paharrueshme. Prindër dhe gjyshër shoqëruan më të vegjlit në këtë hapësirë simbolike, duke ndarë momente të bukura familjare dhe kujtime që do të ruhen gjatë.
