Edicioni i 23-t i “Kënga Magjike” nis ditën e sotme, sic është tridtë si pjesë e emisionit “E Diela Shqiptare”. Lajmin e ka konfirmuar vetë Ardit Gjebrea nëpërmjet një postimi në Instagram, teksa zbulon edhe të rejat dhe risitë e festivalit të këtij viti.

Gjebrea nuk heziton ta quajë këtë edicion si më të mirin e historisë së festivale në Shqipëri, ndërsa zbulon se do të aplikohet një teknologji europiane në paraqitjen e tij.

Po ashtu artisti thotë se këngëtarët e huaj që marrin pjesë këtë vit, janë të një niveli tjetër, si asnjëherë më parë në Shqipëri. Një tjetër risti e eventit të muzikës në 2022 është edhe fakti që do të jenë 4 netë, jo 3 sic është në formatin klasik, teksa nata e tretë do të jetë “Nata Finale Tradicionale Shqiptare”, ndërsa e katërta “Grand International Kënga Magjike”.

Ndërkohë pak ditë më parë u zbulua edhe juria e festivalit për këtë edicion, me anëtarë të “vjetër” dhe të rinj që i bashkohen panelit.