Sensibilizimit për ngjarjen tragjike të ndodhur në shkollen “Fan Noli” në Tiranë ku pas një konflikti humbi jeten një nxënës i është bashkuar edhe Lezha. Një grup të rinjsh nxënës shkollash dhe aktivistë të shoqërisë civile protestuan në qender të qytetit, duke kërkuar një sistem arsimor që kujdeset e reflekton.
Me pankarta në duar protestuesit u shprehen se edhe në Lezhë ka probleme të shumta sa i përket sigurisë dhe infrastruktures në institucionet arsimore.
E pranishme në këtë manifestim, këshilltarja e Partisë Demokratike Alfrida Marku thotë se në mbledhjen e këtij muaj ka kërkuar që të përfshihet në rendin e dites paketa e sigurisë në shkolla.
Protesta e nxënësve dhe aktivisteve në Lezhë zgjati rreth 60 minuta, ku ju kërkuar insitucioneve përgjegjëse që të reflektojnë dhe të ofrojnë kushte dhe siguri në shkolla.
