Porti i Vlorës i është kthyer normalitetit. Sipas ministrit te Infrastrukturës dhe Energjisë, Damian Gjiknuri, intensiteti i dallgëve ka rënë dhe ky port do të kthehet në funskionim normal.

 

Gjiknuri falenderoi administratën e portit Vlorë, por edhe të gjithë personelin mbështetës që kanë punuar pa ndërprerje. Edhe në Portin e Durrësit, sipas një njoftimi nga zyra e shtypit pranë Kryeministrisë, aktualisht situata është në kontroll. Janë në dispozicion dhe gatishmëri të plotë teknikë të gjitha mjetet, sikurse 2 zjarrfikëse, ambulancë, mjetet e rënda operacionale etj.

Gjithashtu, në gatishmëri të gjithë janë të gjitha forcat e sigurisë Portuale, ato operacionale, dispeçerisë si edhe të administratës. Ndërkaq, në Portin e Sarandës që nga dita e djeshme është ndërprerë transporti i udhëtarëve me tragete. Tragetet e udhëtarëve janë bllokuar nga kapiteneria e Korfuzit për arsye të kohës së keqe.

Artikulli paraprakMINISTRJA E SHËNDETËSISË URDHËRON AKTIVIZIMIN E PLANIT TË GADISHMËRISË SHËNDETËSORE
Artikulli tjetërGJONAJ: MD NUK DO I PARAQESË PARLAMENTIT AMNISTI PËR 2017