Një grup protestuesish janë mbledhur sërish në protestë para godinës së Kuvendit, ndërsa sot në orën 12:00 zhvillohet seanca e radhës plenare. Që prej orës 09:30 qytetarët janë mbledhur rreth godinës së Kuvendit të pajisur me vezë në duar, në të cilat kishin shënuar emrat e deputetëve.
Ndërsa deputetët e PS kanë nisur të futen në Kuvend, protestuesit kanë sulmuar me breshëri vezësh disa makina deputetësh. Deri më tani nuk është regjistruar asnjë incident me forcat e policisë, ndërsa këto të fundit arritën t’i spostojnë protestuesit jashtë rrethimit me gardh metalik që kanë bërë godinës së Parlamentit.
“Janë simbolika, janë ata që ne nuk i duam fare në Kuvend. Nuk ka goditje me vezë. Në Shqipëri, veza qenka arma e popullit”, tha një protestues.
Pasi u spostuan, protestuesit kanë bllokuar të dy anët e rrugës para Kuvendit.
