Një nëndetëse e ngarkuar me më shumë se 2.000 kg kokainë është kapur në ujrat detarë të Spanjës.

Policia ka vënë në pranga dy persona ndërsa një i tretë mundi të largohej kur Roja Bregdetare Spanjolle ndaloi në brigjet e Rajonit të Galicia në veri-perëndim të Spanjës nëndetësen e ngarkuar me kokainë

Sipas policisë, personat që kontrabandonin drogë ishin të tre me kombësi ekuadoriane.

Mediat spanjolle raportojnë se nëndetësja ishte nisur nga Kolumbia dhe kishte për destinacion Spanjën.

Nëndetëset e ngarkuar me kokainë janë përdorur shpesh nga trafikantët për të kontrabanduar drogë nga Amerika Latine në SHBA.

Në muajin korrik, Roja Bregdetare e SHBA ndali një nëndetëse me drogë në Oqeanin Paqësor.