Tre studentet e Fakultatit te Drejtesise te Universitetit “Luigj Gurakuqi” te Shkodres, Ardit Gila, Adelina Ujkaj dhe Egzona Zymeri, kane spikatur per rezultatet e tyre te shkelqyera ne “University Law Competition 2026”, nje nga kompeticionet me prestigjioze per studentet e drejtesise ne rajon.
Per here te pare, Fakulteti i Drejtesise i Universitetit te Shkodres u be pjese e ketij kompeticioni, i organizuar nga Halimi Foundation Institute, me mbeshtetjen e Ambasades se Mbreterise se Holandes, Keshillit te Evropes dhe te partnereve te tjere. Ky kompeticion zhvillohet ne formen e nje gjyqi simulues dhe bashkon studentet me te mire te drejtesise nga Shqiperia, Kosova dhe Maqedonia e Veriut, duke i vendosur ata perballe sfidave reale te profesionit te juristit.
Gjate konkursit, ekipet pergatiten parashtrime juridike mbi kazuse konkrete dhe, pas fazes shkresore, mbrojten argumentet e tyre ne seanca gjyqesore te simuluara perpara nje trupe gjyqesore vleresuese dhe ne transmetim televiziv. Ne keto perballje u vleresuan njohurite juridike, analiza ligjore, aftesia argumentuese, komunikimi profesional dhe etika ne sallen e gjyqit.
Nen drejtimin e mentoreve Prof. as. PhD Paulina Guli (Hoti) dhe Prof. as. PhD Emanuela Furramani, ekipi i Fakultetit te Drejtesise te Universitetit te Shkodres pati nje paraqitje te shkelqyer gjate gjithe kompeticionit. Studentet fituan tre raunde, siguruan kualifikimin ne finale dhe u shpallen fitues te vendit te dyte, duke shenuar nje arritje te rendesishme per Fakultetin ne pjesemarrjen e tij te pare ne kete kompeticion.
Si vleresim per kete performance, studentet, se bashku me mentoren e tyre Prof. as. PhD Paulina Guli (Hoti), moren pjese ne nje vizite studimore ne Strasbourg, te organizuar nga Keshilli i Evropes. Gjate kesaj vizite, ata u njohen nga afer me punen e Keshillit te Evropes dhe Gjykates Evropiane per te Drejtat e Njeriut, si dhe moren pjese ne sesione dhe diskutime mbi funksionimin e Gjykates Evropiane per te Drejtat e Njeriut, mekanizmat kombetare per parandalimin e tortures, Programin HELP per edukimin e profesionisteve ligjore ne fushen e te drejtave te njeriut, dhe rolin e Departamentit te Rinise te Keshillit te Evropes.
Gjithashtu, studentet zhvilluan takime me perfaqesues te Komitetit per Parandalimin e Tortures, Departamentit per Ekzekutimin e Vendimeve te Gjykates Evropiane per te Drejtat e Njeriut, Komisionerit per te Drejtat e Njeriut dhe Departamentit te Rinise te Keshillit te Evropes, duke fituar njohuri te thelluara mbi funksionimin e institucioneve kryesore evropiane ne mbrojtje te te drejtave te njeriut, demokracise dhe sundimit te ligjit.
Kjo eksperience ishte nje mundesi e jashtezakonshme per zhvillimin akademik dhe profesional te studenteve, duke u dhene atyre mundesine te zgjerojne njohurite, te shkembenin pervoja me studente te tjere dhe te krijojne lidhje te reja profesionale.
Ky sukses tregon edhe njehere vleren dhe mundesite qe krijon Fakulteti i Drejtesise i Universitetit te Shkodres “Luigj Gurakuqi” per studentet e tij. Përveç formimit akademik, Fakulteti synon t’u ofroje atyre mundesi konkrete per zhvillim profesional, permes praktikave, gjyqeve te simuluara, konkurseve, projekteve dhe eksperiencave nderkombetare. Ne kete menyre, studentet pergatiten per t’u perballur me sfidat reale te profesionit te juristit.
