Një studim i fundit shkencor tregon se dhuna e prindërve tek fëmijët shton rrezikun për sëmundjet mendore ku përfshihen edhe çrregullimet e ndryshme të personalitetit.
Psikologu i qendrës të shërbimeve psikologjike Altin Nika shpjegon se përceptimi i dhunës nga të rriturit kalon më pas si mënyre jetese. Shpesh herë dhuna e të rinjve në shkolla është pasqyrë e kushteve psikologjike dhe emocionale që përjetojnë fëmijët në shtëpitë e tyre. Rastet e dhunës tek fëmijët, kjo edhe nga raportimet e policisë vendore, rasteve në gjykatë apo edhe shërbimeve që ofrojnë psikologët dhe qendra të ndryshme tregojnë se ka një trend në rritje.