Dueli Elbasani-Vllaznia nuk prodhoi vetëm emocione të forta, por edhe përplasje mes tyre, teksa tensioni ishte i lartë në stadiumin “Elbasan Arena”. Trajneri Edi Martini u ndëshkua me karton të kuq, ndërsa gjithashtu edhe presidenti Alban Xhaferi u përplas me arbitrat. Disa episode të njëpasnjëshme kanë bërë të mundur që te Vllaznia të zhvillojnë një takim të hapur. Klubi shkodran organizoi një takim me stafin e ekipit të parë, Akademisë dhe tifozëve.
Tashmë, pas tensioneve të Elbasanit, Vllaznia kërkon të lërë pas polemikat dhe me mbështetjen e opinionit sportiv të rikthejë qetësinë, unitetin dhe përqendrimin te objektivat e sezonit.
